TVB嘅經典劇集《尋秦記》會喺大年初一深宵重播，為觀眾發放歡樂。呢日一眾原班人馬為電影版宣傳時都有關注消息， 古天樂 仲話到時自己都會捧場，覺得每年新年都有賀歲片重播，今年觀眾可以多個選擇，而 黃文標 就話自己重溫過《尋秦記》電視劇3次，稍後當然會繼續收看。
今次嘅宣傳活動上，飾演趙倩公主嘅 雪兒 激罕現身同古仔合體，而當年劇中嘅三弟 劉嘉龍 雖然已離開娛樂圈，但喺 林峯 穿針引線下，特別現身同古仔、黃文標三兄弟經典再現，令觀眾勾起多一份回憶。
林峯同劇中兩位母親大人 雪梨 同 姚瑩瑩 一齊現身，雪梨大讚今時今日嘅阿仔脫胎換骨，並當眾重提阿峯跳櫈舞嘅演出，驚嘆盤兒(林峯劇集角色)腰力一流，柔軟度高，阿峯尷尬表示係拍得古裝多鍛鍊而成。
《尋秦記》大年初一晚 23:55 翡翠台 電影132分鐘加長版2月14號情人節公映
新加入演出嘅 蔡一智 就被指擁有一把秀髮，而被睇中出演角色，又讚佢好似大師叔嘅感覺，阿智笑言可以慳返假髮錢，多謝賞識，但佢都覺得自己個樣同古裝好夾。
綠葉黃文標早前被發現手震震，身體狀況令人擔心，佢大方回應健康狀況振示現時仍有手震，已排期睇腦神經科等待診斷，生死有命，唔論到自己驚，幸好對日常生活影響不大，只是動作有時緩慢點。
心急等唔切？即上myTV SUPER免費重溫烏廷芳同項少龍嘅故事
電影角色推出嘅閃咭大受觀眾歡迎，一眾演員們自己都有抽埋一份，但洪天明就因為咁連日眼眉跳，自嘲因為被抽中後眾多人會鬧佢，所以唔希望別人抽到自己，而身邊嘅滕麗名JoyceTang都表示抽中過天明。