經已淡出演藝界超過廿年嘅資深演員 呂有慧 ，喺今日（12日）踏入70歲生日前夕，與一眾相識半世紀嘅老友相聚慶祝，出席嘅包括盧宛茵、蘇恩磁、郭鋒、陳嘉儀同梁小玲等，一班老友見面當然把握機會影相留念。
身穿愛馬仕上衣嘅壽星呂有慧，戴上珍珠頸鏈，手戴玉鈪，貴氣迫人。雖然踏入70歲，但呂有慧保養得宜，臉上完全冇留下歲月痕跡，依舊貴氣非凡。
呂有慧從70年代開始演藝事業，參演多套劇集，跟不少現時天王巨星合作過，當中包括喺劇集《神鵰俠侶》飾演李莫愁與劉德華有對手戲，而《鹿鼎記》飾演嘅太后時，跟梁朝偉嘅劇情同樣令觀眾留下深刻印象。
登入myTV SUPER重溫《神鵰俠侶》精彩劇情
