譚俊彥、陳庭欣、林秀怡同埋孔德賢呢日嚟到一個花市拍攝外景，四位仲可以趁機揀返棵年花應下節，阿Shaun同Toby每年農曆新年前都習慣去行吓花市，而呢日佢哋開工仲獲檔口老闆娘送年花，真係好有意頭呀。
Toby話自己都好鐘意買年花為家居添啲喜氣洋洋嘅氣氛，不過由於屋企養咗雀仔，擔心佢哋會啄晒啲花蕊，所以Toby話揀花時都要特別留意。
迎接馬年，阿Shaun同Toby除咗不約而同祈求身體健康之外，去年回復單身嘅Toby當然都希望覓得好姻緣啦，佢話阿Bob呢位媒人認真唔話得，已經開行turbo做緊嘢，仲幫佢揾咗兩位男士，不過Toby就話其實自己其實仲未Ready亦都唔心急，但識返個朋友都可以嘅。
Danny話自己有人群恐懼症，所以花市咁多人嘅地方，就唔係咁啱佢啦，相反秀怡就好鐘意行花市，佢仲好期待TVB都可以嚟擺檔。
