奧斯卡影后楊紫瓊再度揚威國際，喺第76屆柏林影展榮獲等同終身成就獎嘅「榮譽金熊獎」，成為影展史上有一位得到呢個殊榮嘅華人演員。Michelle上台領獎難掩激動情緒，講到已故父親仲淚灑當場。
Michelle致詞時展現一貫嘅幽默同大氣，「終身成就聽起來像是一個結論，但我更傾向於將它看作一個停頓，一個呼吸的時刻，回頭看看，然後繼續前行。當然，我會走得很小心，免得有人把這隻熊拿回去」。
之後佢回憶自己嘅演藝路，坦言電影帶俾自己嘅，遠遠超過自己當初所想像，提及已故父親對自己嘅支持，Michelle哽咽表示，「雖然父親已經不在人世，無法親眼見證這一刻，但我將他銘記於心，如果他今晚能看到我手捧金熊獎，我知道他一定會微笑。」
頒獎人Sean Baker大讚Michelle係「一生難得一遇的銀幕存在」。二人近期合作短片《Sandiwara》，Michelle話好期待有機會再合作拍長片，但條件就係「不可以有床戲」，影后嘅幽默惹來全場大笑。
