林峯近期忙於宣傳《尋秦記》，但都冇忽略老婆同囡囡，近日佢就忙中抽空一家三口去主題公園玩。阿峯戴住cap帽同口罩，打扮得非常休閒，五歲嘅愛女Luna就著住紅色裙仔，好有過年feel，Luna雖然同爸爸一樣戴住口罩，但就見到佢眼仔碌碌，非常精靈可愛。兩父女感情非常好，阿峯抱住Luna影相唔單止，仲俾Luna騎膊馬。
阿峯嘅太太張馨月喺社交平台分享多張近期生活照，有Luna玩水、睇書、行街等日常，仲有一張Luna著住中國風裙開餐，眼大大望住鏡頭，完全遺傳父母嘅良好基因。當然峯嫂都不忘派福利，大方騷出水著相，峯嫂雖然身形纖瘦，但事業線依然頗有睇頭。
