黃淑蔓相隔六年再出碟，新碟橫跨Feanna十八歲到二十四歲，佢都話大家可以喺十首歌之中聽到青澀嘅聲音，同埋已經擁有歴練變得成熟嘅聲音，感受佢喺呢段時間嘅轉變。
Feanna就話呢六年有不停增值自己，就好似新歌《喵！》嘅MV咁，就係佢一手一腳做導演同剪接，所以喺創作部分亦多咗參與。
即將舉行首個個人音樂會，Feanna會將喺呢十年對開音樂會嘅想法都擺曬入去。而音樂會歌單豐富，當中仲有好多啟發同陪伴Feanna成長嘅歌。
過去一年Feanna跟住同公司嘅師兄 鄭伊健 開Tour，當中獲益匪淺。佢多謝伊健同 陳光榮 俾機會自己外，仲好佩服伊健唔需要用提詞機，Feanna話喺對方身上學識點樣唱出一個故事。
