陳山聰、伍詠薇、阿Bob林盛斌、梁烈唯呢日現身馬來西亞，出席主演嘅賀歲片首映禮。作為電影投資者之一嘅山聰，為拎個好意頭，仲安排舞獅團表演，自己親自打鼓，為電影拎返個好意頭！山聰仲話，自己原本係想親自舞龍舞獅，不過考量到會搞到成身濕，自己仲有行程，所以先會選擇打鼓。
電影首映令山聰非常感動，佢同三位演員更走訪當地十三個戲院謝票，當地影迷非常熱情，有Fans同阿Bob、山聰攬攬，氣氛熱鬧。一眾演員亦積極回覆影迷喺網上留言同私信，山聰都好開心電影有咁好評價，亦希望票房節節上升，預告會喺年初一再返到大馬謝票啊！
