今日係情人節，亦噚日就係 馬國明 生日，早前一直為《飛常日誌II》拍攝嘅佢，終於可以放低角色，好好休息喇。老婆 湯洛雯 就Post出合照，見佢同馬明抱住兩隻愛貓，加上仲有貓貓造型蛋糕，一家四口黐到實，甜蜜又溫馨。
另一張就可以見到戴住眼鏡嘅壽星同老婆碰杯慶祝，馬明放鬆之下自然就有招牌天然呆表情出現，非常可愛。靚湯嘅post又寫道：Happy birthday my hubby❤️We love you😽🐈。而一眾好友包括 高海寧 洪永城 朱千雪 岑麗香 蔡思貝 岑杏賢 蔣家旻 等亦齊齊向馬明送上生日祝福。
