圈中出名嘅孝順女 佘詩曼 即使工作再忙，佢都會放媽咪同家人喺首位。阿佘趁住農曆新年假來臨就提早收爐，同埋媽咪一行九人去泰國曼谷旅行。近日已經有網民喺曼谷補捉到四屆視后嘅踨影，仲大讚阿佘夠貼地，同家人喺當地商場嘅美食廣場食嘢，兼且毫無架子主動幫家人買嘢食。
阿佘亦開心分享自己嘅放假時光，佢話：「好正～晚晚傾偈傾到半夜三更先瞓，第二日瞓到自然醒，瞓醒眼腫腫都唔怕，即刻去食好西，食飽就亂咁周圍逛，行到邊買到邊～最鍾意望住嗰個自己聲稱《揀水果最叻，佢認第二冇人夠膽認第一嘅人》shopping ，無論去到世界各地，一見到水果就忍唔住撲埋去，笑死～ #快樂就是這麼簡單。」
當然喺阿佘口中所指揀水果最叻嗰位，梗係佢最愛嘅媽咪，睇相都見到佢哋兩母女玩得非常開心，正如阿佘出發前所講，知道媽咪好期待今次旅行。
