小S 徐熙娣 自從大S去年離世後就開始停工，只係喺舊年金鐘獎現身上台領獎，而佢所主持嘅節目《小姐不熙娣》就分別由 吳姍儒 薔薔 暫時接棒做代班主持。
而喺2月13號，小S就發文宣布將正式復工，回歸節目，令大家都好興奮。 小S撰文感謝電視台一直支持同等待佢，又感謝吳姍儒、薔薔以及拍檔派翠克將節目做得精彩。小S表示自己已經整理好心情，可以嘗試開始工作：「因為不斷的給自己時間，就好像不斷的讓自己陷入低潮的情緒！所以我要開工了，但我先給自己一季（3個月）的時間，去尋找新的小S，我希望一定要是我自己都喜歡的樣子」
亦向每個等待佢回歸嘅人表示感謝。 從小S分享嘅近照可見，佢身穿粉色睡衣套裝、戴口罩同貓耳頭飾，出現喺節目錄影廠，對鏡頭做出雙手比Yeah手勢。雖然遮住半邊面，但可見小S神情恢復唔少。
