韓國男團 XODIAC 兩名香港成員 麥駿昇 同 李傲賢 現身香港出席活動，此行佢哋同家人、粉絲提早過年，之後就要飛返韓國繼續工作，佢哋都有預告嚟緊團隊會進軍印尼同推出英文歌。兩人早前曾經快閃香港出席活動，佢哋話知道香港有好多粉絲，所以盡量返港同大家見面。
上個月係SING嘅24歲生日，各地嘅粉絲都用唔同方式為佢慶祝，佢都話有舉行生日會與唔同地方嘅粉絲一齊玩，而香港嘅粉絲亦設立唔少應援裝置。講到生日願望，佢話希望團隊越嚟越好，大家身體健康。另外，佢哋又預告會喺香港舉行粉絲見面會，其他成員都努力練中文。
