最近深夜重播完畢嘅《名媛望族》近日掀起一片煲劇潮，呢部以2、30年代香港顯赫家族為背景嘅劇集，以 劉松仁 扮演嘅鍾卓萬為中心，圍繞住佢同多房夫人仲有子女之間嘅故事。而因為多句英文輕藐對白成為網上討論對象嘅 江美儀 ，就公開同多位劇中家人相聚嘅相片，有如鍾家上下穿越百年到現代香港一樣。
其實自2012年拍攝後，劇中演員就成為好友，不時相約聚會，而呢次二太太 美儀姐同Arthur 劉松仁 大太太 韓馬莉 霍百鏘 石修 浩頤 馬賽 四太太 楊茜堯 小由 朱晨麗 仲有啟燊 馬國明 相約見面，大家笑容都非常燦爛，佢仲寫道：萬眾期待， 2026年「名媛望族」reunion 嚟啦！
可惜二太太 陳玉蓮 未有現身，有網友亦因覺可惜而問美儀姐，佢就非常入戲咁答話：佢同齊日輝(黃智賢)喺英國，令大家再次跌入劇情當中，唔少網友見到呢個回應都獨狂俾like。馬明太太靚湯亦都以美儀姐爆紅英文對白As if i care!!!!留言，佢亦回應要呢個正牌新抱下次要一次出現同鍾家上下飲茶呀。
