日本巨星 龜梨和也 (Kazuya Kamenashi)展開全新個人亞洲巡迴粉絲見面會，又宣佈4月中將會舉行香港站演出，今次更係佢首次於香港舉行個人粉絲見面會。
龜梨和也今次以「TALK to ME」為主題嘅系列演出，足跡遍及曼谷、高雄同香港，身為多才多藝實力派藝人嘅佢，過往推出嘅單曲好似《絆》、《Rain》同《Cross》等都大獲好評，加上曾主演《我Miss係大佬2》、《野豬大改造》、《正體：真面目》、《捏造：史上最惡殺人教師》等多部話題劇集同電影，演技於觀眾心中留下深刻印記。
自2021年起佢又主持綜藝節目《一撃解明バラエティ ひと目でわかる!!》，展現自然幽默一面，獲得高度讚賞。
主辦單位為今次見面會特別準備專屬福利，無論係自KAT-TUN時代就追隨嘅鐵粉，定係單飛後受吸引嘅新世代樂迷，都將留下一段既深刻又感動嘅回憶。