梁思浩 農曆新年帶領《靈接觸》班底再現，聯同 黃紫恩 黃耀英 ，仲有化身成運財童子同紫霞仙子嘅 湯之欣 同 黃瀅仴 ，以及靚靚女鬼 彭翔羚 、蔡菀庭 一齊喺賀年節目《祿播靈接觸》分折12星座，觀眾同網民隨時可以得到思浩嘅幸運利是，一班主持都會獲得思浩嘅幸運紅包，沾上旺氣。
節目《直播靈接觸》推出以嚟一直添食，收視成績贏盡觀眾口碑，思浩好滿意節目成果，加上去年自己嘅節目向海外發展，獲得國際性獎項，對思浩嚟講係大豐收年，所以其他主持人都盼望繼續跟住思浩搵食，長做長有，仲話最希望開拍《直播靈接觸》第四季。
喺眾多主持之中，只得Darren結婚已為人夫，所以幾位都將添丁生B嘅祝福大大力送俾Darren，思浩更向Darren承諾若果生BB，會贊助一年奶粉，鼓勵佢同太太 李旻芳 快啲造人。，Darren笑言同老婆喺睡房會諗起思浩，Jojo又話會送上求子符，搞到Darren話唔生返隻馬仔都唔得呀。
《祿播靈接觸》今晚 20:30 TVB Plus