姚焯菲（Chantel）目前喺紐約大學修讀為期4年Music Business課程，今個農曆新年留喺當地度過，仍不忘越洋與香港Fans拜年，更遊美國唐人街感受春節氣氛，一解鄉愁！
Chantel喺新春佳節分享近況，見佢著到紅噹噹跟同學仔聚餐，又特意去唐人街，Chantel可愛嘟嘴同寫上「招財進寶」嘅獅頭公仔影相。
雖然Chantel獨留異鄉過新年，不過佢就喺住所擺咗桃花陣，催旺姻緣財運，希望愛情運及歌唱事業順順利利，又向一眾「小菲象」送上賀年祝福，同大家拜年，祝大家龍馬精神、身體健康、福馬臨門、馬到功成。
