新春特別節目《丙午年吉星高照年初一》，馬年一開春就為大家送上歡樂同祝福，《J Music》幾位主持 冼靖峰 潘靜文 許文軒 莊子璇 新加入主持陣容嘅 曾展望 李尹嫣 同 布子殷 以及聲秀三甲馮熙燮、柯雨霏同胡子貝，都有份拍攝，除咗開心玩遊戲，仲特別拍咗首賀年歌，同大家開心迎新歲。
唔係歌手出身嘅GM，為咗鏝賀年歌第一次入錄音室錄音：「多謝大家咁照顧我呢個後輩。」佢又點名多謝Sherman：「本身覺得錄音好困難，但因為喺我之前錄嘅修Sherman，我真係學咗好多嘢。」
每逢新年長輩都會特別關心後輩，無論事業或愛情都唔會放過，不過Ryan就虎自己有絕招可以應對：「因為我識整蘿蔔糕，我就會整定一底蘿蔔糕，煎好俾埋佢哋，佢哋一問就即刻塞落佢哋口度。」而Hilary就坦言屋企人唔止過年，就連平日都會催婚，不過佢就好淡定，一於唔理。
