葉蒨文 (Sophie) 與 曾展望 (GM)、關嘉敏 與 黃家俊 （Matthew）呢兩對CP現身，呢兩對CP去年參加TVB戀綜《女神配對計劃》後人氣幾級跳，GM同Matthew為咗兩位女神，喺農曆新年體驗用煎糕點心車為女神獻上美味糕點！
Sophie同關嘉敏要透過男神上碟擺盤，估係邊個煎，究竟佢哋估唔估得中？GM同Matthew亦主動餵女神試食，而女神就為GM同Matthew調愛心混醬，令男神未食都心慌慌。關嘉敏調嘅醬料，更散發出陣陣「跌打酒」味，Matthew會唔會為愛照食呢？
GM喺過年買一啲新衫新褲新鞋新襪，褲就買闊啲寓意「大富大貴」，唔好穿窿褲，買鞋就喺立春前買；Sophie同Matthew新一年好想多啲拍劇，關嘉敏就想拍電影、做舞台劇嘅嘢，GM想做主持，多啲表演、多啲騷！
