電影《哈利波特》系列中嘅角色「跩哥馬份」，由於該角色嘅內地譯名為「馬爾福」，內地網民將其名解作「馬年爾等有福了」，更因此成為內地賀年嘅吉祥物，唔少電商平台都有出售印有佢個樣嘅揮春，事件連飾演馬份嘅英國演出Tom Felton都有注意到，亦有唔少外國媒體報道此事。
正忙於出演《哈利波特》舞台劇嘅Tom Felton，繼日前分享「自己揮春自己貼」嘅片段後，19號佢再分享一張自己企喺對聯前影嘅相片，對聯「天增歲月人增壽 春滿乾坤福滿門」嘅中間，貼有馬份嘅剪紙，下方則有一張寫住「Malfoy 馬爾福」以及讀音及英文解釋嘅紅紙，甚有過年氣氛。
Tom Felton喺帖文中為大家送上新年祝福：「Happy Luna new year x 新年快樂 🔥🐴」而照片一上載到社交平台後，收獲26萬多人點讚。
