方力申 第一年同寶貝女Isla度過新年，繼早前齊齊過情人節、晨早出門又不捨BB之後，新年休息一到就再曬同寶貝女嘅自拍相，不過可能他日囡囡大個就會怨爆呢個分享症老竇喇。
究關小方分享Isla幾張可愛爆嘅黑圖，先嚟一張強勁雙下巴、又有一張惡形惡相、之後一張嘟嘴就轉可愛風，張張都同老竇倒模CTRL+C一樣，最後同老竇齊齊自拍，終於係一張阿囡見得人嘅相喇。
小方仲留言寫道：邊個話我個女似我㗎？今日初三赤口，冇出去拜年。喺屋企係咁望住個女，真係似我咩？唔似呀！似咩？噢，原來都真係似嘅。祝大家馬年行大運，闔家健康平安，萬事如意吉祥。
