鄭秀文關心日本爆紅幼猴Panchi近況曾遭猴群粗魯拖行慘叫終覓「心靈避難所」

日本6個月大嘅獼猴「Panchi」（パンチ）由出生遭母親拋棄，每日喺日本市川市動物園緊抱猩猩玩偶行嚟行去而爆紅，其一舉一動受到全球關注，每日關心佢能否順利融入猴群，甚至有網民想領養Panchi，想抱住Panchi給予佢滿滿嘅愛，連天后鄭秀文（Sammi）都有關心Panchi近況！

可愛日本獼猴Panchi迅速走紅，見其經歷被成年獼猴訓斥與驅趕，無數困難及驚恐，慌張跑回「娃娃母猴」身邊。動物園獼猴群開始接納Panchi，Panchi跟園內獼猴互動次數越嚟越多，慢慢適應群體規則，逐漸融入其中。近日更覓「心靈避難所」，獲一隻成年獼猴保護，報道指Panchi終於被抱抱，從失去母親到被接納，Sammi話希望Panchi從此被愛，也勇敢去學習愛，當Sammi見到該照片後亦留言：「看著看著，就哭了。愛與被愛。」

日本獼猴幼猴通常與母親形影不離，但係Panchi於2025年7月出生後不久卻遭母猴遺棄，由動物園飼育員人工撫養，為咗讓Panchi能夠有伴，把一隻紅毛猩猩玩偶當成媽媽，今年1月為咗讓Panchi喺合適年紀融入猴群，學習跟同類相處，Panchi卻被其他猴子排斥，一度被粗魯抓起、繞圈拖行，Panchi無助地依偎喺紅毛猩猩玩偶身邊，去到邊都帶玩偶四處行動，相關畫面被民眾分享去社交平台，Panchi喺網上迅速爆紅，引發外界擔憂，睇到一眾網民勁心痛，該動物園更每日大排長龍，唔少民眾想去探吓Panchi。