韓國女星 李聖經 呢日同新生代男神 蔡鍾協 以及一眾新劇拍檔出席發布會造勢，著上迷你短裙嘅李聖經大騷美腿，而蔡鍾協亦以deep v西裝亮相，兩人更大擺心心手勢，首度合作嘅兩位喺劇中更會共譜浪漫愛情故事。
劇中飾演頂尖時裝設計師嘅李聖經，就諗返起10年前自己第一次喺《舉重妖精金福珠》入面當主演，佢話無論喺當時抑或而家，自己嘅心態都無改變，希望盡力拍好每一部作品，令觀眾喜歡呀。
被封為犬系小鮮肉嘅蔡鍾協，呢次喺劇中就飾演動畫設計師，佢同李聖經嘅感情線更人令人期待，兩人仲被傳媒稱為「只要站在一起就能淨化眼球」嘅組合，蔡鍾協雖然已經拍過幾部作品，但係佢話每次佢都會當自己係新人咁去演。
