歌迷會公開梅媽最新情況 102歲覃美金賀年精神不俗

已故巨星 梅艷芳 嘅母親 覃美金 同 梅啟明 自2003年梅姐離世後多年一直就遺產問題同管理人多次對薄公堂，身為兄長嘅梅啟明年來亦曾因婚外情同工作等問題多次現身新聞，去年1月更被頒令破產。

自2022年梅媽登報與梅啟明正式脫離母子關係，仲公開指責佢欠債累累而更財迷心竅，之後甚少公開露面，已屆百歲高齡嘅梅媽更曾獲政府向佢發函祝賀，近日 梅艷芳國際歌迷會 就公開成員向梅媽拜年嘅片段，可見102歲嘅梅媽精神仍不俗，向鏡頭大講恭喜發財賀歲。