大年初五中聲Family就聚埋一齊嚟個由朝到晚嘅團拜活動，譚輝智 支嚳儀 車婉婉大家仲帶埋囝囝囡囡一齊出動𢭃利是。加上啱啱同 顏米羔 趙浚承 喺廣州開完演唱會嘅 黃劍文 亦趕得切參與，仲有 顏志恒 林思彤 《中聲4》嘅「樹熊公子」 黃建東 等亦有嚟join呢個咁熱鬧嘅賀年party。
咁開心嘅時刻，又點少中聲兼輝智忠粉狄波拉呢？拉姑呢日打扮得花枝招展，喜氣洋洋，除咗同大家舉杯暢飲，仲帶咗唔少禮物送比大家。而當日嘅點點滴滴，支支都有拍低，仲喺社交平台同大家分享，支支仲話：「從下午茶＋晚宴到aftrer party大人小孩都玩得不亦樂乎﹗一起撈喜＋買六合彩真係好開心」
佢仲話拉姑精心預備咗超正嘅大大大抽獎，仲人人有份添。睇嚟呢個初五，中聲家族真係玩得好開心呀﹗
