每逢農曆新年都係朋友Re-U嘅好時候，已淡出幕前嘅麥明詩，日前就相約《#後生仔傾吓偈》昔日嘅拍檔馮盈盈、陸浩明等到屋企聚會，齊齊打邊爐兼打麻雀，老公盛勁為同囝囝亦有一齊大合照，不過阿仔嗰樣仍然未有曝光。
6號就大讚Louisa嘅囝囝大個咗，好得意好鐘意望鏡頭，似足媽咪，仲催Louisa快啲再生多個，而Louisa亦拋返個波比6號，叫佢都快啲生返個呀。
而Louisa亦有喺社交平台分享團拜嘅相片，並寫道：「由#後生仔傾吓偈到#後生仔死老鬼，感恩咁多年之後，聚埋一齊講嘅嘢都一樣係咁on居。」睇得出佢哋成班咁多年都係咁老友呀﹗唔少網民見到佢哋啲相，都留言話回憶返晒嚟，仲話好期待佢哋合體開拍《#後生仔傾吓偈2》呀。
