汪明荃年初六到黃大仙祠祈福 與羅家英甜蜜揀風車

農曆新年唔少人都會去黃大仙祠、車公廟等祈福，阿姐 汪明荃 年初六就與 羅家英 及親友一齊去到黃大仙嘅赤松黃大仙祠上香，二人祈福後更齊齊揀咗個風車同一個賀年掛件，阿姐喺社交平台分享到黃大仙祈福嘅照片，並於帖文寫道：「年初六，拜黃大仙。」

有網民就發現阿姐身上着住嘅Max Mara馬年限定系列緋紅色絲質恤衫，喺年初二眾親友到其家中拜年時已經着過，睇嚟阿姐相當鍾意呢件恤衫。另外亦有網民分享舊年亦曾於黃大仙祠偶遇到阿姐同家英哥，感慨咁快就已經過咗一年。