白雪仙現身元朗盆菜宴笑容滿面 後輩家英阿姐華仔先後拜年

97歲嘅粵劇名伶 白雪仙 大年初六現身元朗，同好友一齊參與年度嘅鄧氏宗祠盆菜宴，仙姐雍容華貴現身，一面笑意同大家拜年送祝福，唔少人都爭取同佢合照，同場仲見到陪伴佢到場嘅 陳善之 余慕蓮 等。其實大年初五，就已見到 羅家英 汪明荃 夫婦 劉松仁 劉德華 劉千石 同後輩 李沛妍 一齊向仙姐拜年，仙姐穿上大紅外套同長串珍珠頸鍊，繼續優雅同大家談笑風生。

今年仙姐可以話非常忙碌，好似年廿九一班任白嘅徒弟，就齊齊集合喺仙姐寓所，拜祭112歲冥壽嘅任劍輝，同時亦提前向仙姐拜年，一眾愛徒陳寶珠、梅雪詩等，甚至仙姐妹妹都有同場。到大年初一寶珠姐、後輩 梁非同 等亦第一時間到仙姐屋企拜年𢭃利是，向梨壇大前輩送上祝福。