中聲家族嘅成員，喺參加《中年好聲音》後都有唔錯嘅發展，當中唔少人都已經開個人演唱會，又或者去美加、馬來西亞等地登台。而《中年好聲音3》嘅冠軍 黃博 ，喺今個農曆新年就去到拉斯維加斯演出。
黃博喺22號晚上載多張於拉斯維加斯演出嘅照片，佢開心表示可以喺呢個場地將國語同廣東話歌帶畀當地嘅華人同外國朋感覺，令佢內心相當激動。黃博指喺日頭聽住貓王喺Las Vegas 嘅一場經典 live ，再望住當地嘅城市景觀，彷彿為自己晚上嘅演出注入咗某種能量：「唱《這一個夜》時，踩住 Blues 嘅步伐，感覺一切係咁對味，又係咁唔同。」
對於可以嚟到 Las Vegas、呢個無數國際巨星創造經典現場嘅地方演出，黃博話發現自己唔單止可以仰望，亦有機會去學習、去靠近、被浸潤、去感知呢啲國際巨星嘅存在同魅力，黃博表示設想自己未來可以努力嘅方向，希望自己可以做得更好，喺唔同嘅音樂中穿行、享受。
黃博除咗分享當地演出嘅照片外，仲有佢喺台下同 曾志偉 鍾鎮濤 邵美琪 及 溫嵐 等嘅合照，佢喺帖文中表示呢一行自己得到好多關愛：「感謝志偉哥教識我團隊嘅精神、專業嘅態度，亦同B哥哥學習咗好多唔同場合演出嘅經驗，仲見到咗 Landy 溫嵐，讀大學時喺台下睇住佢跳唱熱浪同演唱祝我生日快樂，今次再次見到佢表演，好感慨。」