吳業坤過年帶病超強Bass任嘉賓 胡子貝莊子璇合唱冧爆情歌

吳業坤 呢日為婚紗展擔任表演嘉賓，不過帶病上陣嘅佢呢日就喉沙沙，事後佢仲話上台好似踩鋼線一樣，希望嚟緊一年都身體健康呀。過年期間坤哥都有同太太出門拜年，仲繼續由太太精心設計自製利是封，為大家送上新年祝福。

胡子貝 同 莊子璇 亦有出任嘉賓，兩人仲現場合唱甜到漏嘅情歌。子貝今年返咗家鄉安徽過新年，仲同家人去滑雪，不過就因為著唔夠衫，幾乎凍到變雪條咁話。而Hilary就對未來婚禮有唔少憧憬，希望可以喺沙灘舉行浪漫婚禮，不過佢又笑言另一半都未有，諗定都冇用，專注工作呀。