前港姐 翁嘉穗 同富商老公 鄔友正 不嬲都好恩愛，趁住農曆新年兩公婆就帶埋細仔去咗中旅行，足跡遍佈杜拜、阿布扎比等地，Virginia仲喺沙漠中影咗一輯靚相，非常吸睛。
Virginia著住紅色晚裝，喺沙漠中騎馬，裙擺隨風飄起，非常有氣勢，佢話：「一直很想在沙漠穿晚裝拍這一種美照，今次終於有機會，加上今年是馬年，所以特別要求拍攝團隊安排一匹馬，配合紅色的晚裝，隨風飄揚。」不過佢又話因為自己好少喺陽光下暴曬，所以黑咗唔少，仲笑自己係「愛靚唔愛命」。
Virginia一家仲去咗唔同嘅主題公園，有賽車主題，亦有海洋世界，一家三口仲同海豚開心合照。Virginia嘅大仔Jason今次就冇同行，原來Jason係有重要行程，就係參加喺盧森堡舉行嘅Powerlifting健力國際賽，佢更勇奪冠軍，Virginia開心表示：「他很努力，我也戥他十分開心，同時感到非常驕傲！」
