張繼聰 同 謝安琪 嘅大仔 張瞻 話咁快已經長大成人，之前阿Kay曾透露JimJim有意去澳洲升讀大學，而日前就有網民喺墨爾本，見到佢哋一家四口喺當地嘅茶記食飯，似係一家送大仔去澳洲升大學。
而喺2月25日，阿聰就係社交平台，分享咗一條JimJim嘅成長片段，並以英文寫咗一封信送比囝囝，佢表示：「給我最親愛的兒子：當你即將開啟大學生活的新篇章，我的心中充滿驕傲，彷彿昨天你還是個小男孩，如今你卻要獨自踏入社會了。你問我你離開時我會不會哭？我告訴你，我不會，因為我真的為你感到高興，這不是悲傷的告別，而是你精彩人生的開始。雖然我並不是常常親口告訴你，但請你記住，我為你感到無比驕傲，擁有你這個兒子，是我在這個世界上收到最珍貴的禮物。這是一個很好的機會，讓你成長、學習，並發現真正的自我。不要害怕犯錯，那是學習的必經之路。記住要忠於自己，努力奮鬥，並享受每一刻。無論我們相隔多遠，我們永遠在你身邊，我們是你最忠實的粉絲，家永遠是你的避風港。帶著微笑去追逐你的夢想吧，就像我今天為你微笑一樣。」
最後阿聰亦不失幽默作風，佢表示：「對了，你可能好奇為什麼我的英文突然進步了這麼多。那是因為現在全世界都有AI和Google Translate了﹗我想確保我發給你的訊息完美無暇，我們非常愛你﹗」
而阿聰上載嘅JimJim成長片段亦相當感人，喺片尾見到JimJim喺當地機場送別家人返港時，向媽咪阿Kay以及妹妹道別嘅一幕，JimJim更不停摸妹妹嘅頭，似係相當唔捨得，鼻哥亦都喊到有啲紅，然後佢再緊緊擁抱身旁嘅媽咪，見阿Kay亦忍唔住抺眼淚，之後一家四口亦影咗一張全家福作記念。
阿聰呢段片以及「給兒子的信」真係笑中有淚，仲感動唔少網民，紛紛留言表示「so touching﹗」、「好衰架，整喊晒我哋」、「開頭好感動，睇到最尾笑咗，不失聰哥幽默風格。」、「轉眼之間，我哋真係望住JimJim一點點長大，希望JimJim喺澳洲一切順利﹗一個人離家讀書會有很多挑戰，但都好好玩好有意思架，好好enjoy」。
