馮德倫 早前到美國直擊破世界紀錄嘅高價動漫卡牌現場拍賣，更順道宣傳佢設計嘅動漫人物Bucket Man，即場同 Logan Paul 交流，更見證1億2千8百萬港元嘅卡牌成交嘅瘋狂情況。
Steven忙完就即時飛返亞洲，會合老婆 舒淇 一齊迎接馬年，舒淇嘅社交平台就見到佢與唔同親友合體慶祝嘅情況，其中一張終極低炒黑圖，仲似係舒洪騎Steven膊馬，兩人表情整古做怪，就更突顯生活嘅甜蜜喇，聚會當中仲見到已為人母嘅 林熙蕾 等一齊合照。
新年前舒淇先同多年好友包括導演 劉偉強 鄭伊健 等聚餐，非常開心，而佢最近似乎迷上以極低炒嘅醜怪角度合照，唔計呢次同老公嘅一次，早前同好姊妹 林熙蕾仲有 林心如 一齊出遊，三美變成六下巴嘅另類靚相就被舒淇於網上公開喇，不過唔係親密老友，就連影都唔會同你影呢啲相啦。
