阮兆祥 主持嘅新節目《細間始終你好》會喺2月28號首播，祥師兄將會帶觀眾探店深入了解香港小店情懷，介紹滿載香港文化特色以及一啲東主背後奮鬥嘅故事，期盼通過節目，喺呢個艱難時期給予大家更大力量，祥師兄亦坦言透過節目獲益良多。
今次節目組同祥師兄拜訪一間旗袍店，同老闆交流吓佢哋特色之處，講吓點樣將傳統旗袍同唐裝演變成新穎設計概念，打開另類巿場，祥師兄亦期待老闆為佢精心挑選嘅服飾同觀眾見面。
祥師兄早前告別多年嘅電台開咪工作，今個農曆新年終於有更多時間又可以陪屋企人，笑言暫停係為咗修心養性，同時可以計劃馬年大計，準備同老友 梅小惠 同 江欣燕 延續TVB節目《友乜唔講得》，喺網上繼續爆料。
祥師兄更笑指佢哋三人加埋入咗娛樂圈百幾年。欣欣早前直認患甲亢令身體狀態變化，幸好漸漸康復，祥師兄話一啲都唔擔心對方，剛剛農曆新年才互相拜年，見到欣欣不知幾咁精神爽利。
《香港系列之細間始終你好》2月28日起 星期六晚 20:00 翡翠台