丁文俊 魏嘉信 林彥言 同埋 涂家堯 喺新春佳節合體舉行咗一場粉絲聚會，齊齊以歌聲同大家賀新年。呢日四位仲賣大包，公開自己昔日舊照，當中Angus同Jay嘅青春照，就引起好大迴響。
Angus嗰張就被Jay笑指提早衰老，仲估佢當年讀書一定讀得好辛苦，相反Jay嘅中一學生相，就令大家眼前一亮，大讚佢好靚女，Jay都感慨表示：「青春就係咁」。
Angus一向對風水命理都有啲研究，正所謂近水樓台先得月，三位當然都有間中請教下Angus啦，涂家堯仲大爆Angus一件小秘密，佢話：「嗰陣時我哋比賽，佢已經靜靜雞開曬我哋啲盤」睇嚟Angus當時想預測下賽果噃﹗
