近年內地掀起短劇潮流，唔少長劇演員加入拍豎劇，現年75歲嘅影后劉曉慶亦唔例外！作風一向大膽又跟上潮流嘅佢，就喺一部古裝短劇飾演少女，同細30歲嘅男演員金珈更有吻戲場面。短劇一上線，隨即喺社交平台成為熱話，更衝上熱搜榜。
短劇以「大女主逆襲」做主題，劉曉慶同金珈有唔少感情戲份，其中一場桃花樹下吻戲，雖然只係蜻蜓點水式，不過劉曉慶全程親自上陣，同金珈錫足十八次。雖然有人認為劇組加上重度柔光濾鏡，令劉曉慶睇落後生啲。呢段相差近30歲之差嘅吻戲仍然造成視覺衝擊，仲有人認為係劉曉慶要求加戲。
劉曉慶霸氣回應：「劇本需要，非個人加戲。」佢直言「女性不應被年齡定義」，呢段回覆更得到唔少人稱讚同認同。 雖然劉曉慶得體回應質疑，但同劇一位男配角顧言修就因為點讚網民喺佢社交平台嘅留言：「你這是工傷。」反而激怒唔少網民，認為佢不滿嘅話，可以唔接呢套劇，唔需要做出咁唔尊重嘅行為。
