何鴻燊四房長女何超盈同二房家姐何超瓊感情極好，超盈曾自爆有社恐而恐懼鏡頭，婚後誕女後鮮有喺公開活動露面，直到2024年重返社交圈，更感謝家姐鼓勵，可見二人姐妹感情深厚！
當時超盈撰文表示：「五年後我第一次露面，我正在康復中，如果不是Pansy我也做不到。」 最近超盈就帶住囡囡「荷包蛋」向二房家姐何超瓊拜年，超瓊同「荷包蛋」身穿同款同色套裝，又攬實荷包蛋笑得開心，更親自準備美食招待。
超盈將囡囡同超瓊嘅合照放上社交平台：「和蛋姐和家姐鬆弛過新年。」呢個聚會，除咗有超盈母女，仲有超瓊其他名人好友同小朋友，同時曝光超瓊大宅嘅內部裝修。
