新正頭最開心就係見到財神，趁住年初九開工吉日，大王安德尊再扮財神，帶領何廣沛、鄺潔楹、馬貫東、林秀怡、莊子璇 、何沛珈 及 林正峰 等藝員同事一齊去TVB合作夥伴嘅辦公室拜年。
眾藝員派利是兼玩遊戲同樂，場面墟冚熱鬧，大王每年代表TVB帶啲同事跟TVB合作夥伴拜年，何沛珈好開心見到在場朋友玩遊戲嗰陣反應雀躍，講到玩遊戲以為係秀怡最勁，點知何廣沛先係新一代遊戲王呀！
大王笑指何廣沛曾喺TVB劇集《財神駕到》演財神托世，話何廣沛帶旺運勢，玩開口中全部中晒，身邊嘅秀怡笑言首次參與呢個活動，之前大王一直冇邀請，但大王一直話秀怡嚟過，秀怡覺得有機會同客戶拜年係好開心。
myTV SUPER《財神駕到》財可通神
眾藝人更爭取機會sell吓自己啱做邊款產品嘅代言人，大王自薦做喉糖或中藥補氣代言人，而何沛珈提議一齊拍賀年廣告套餐。
