由 阮兆祥 主持嘅TVB全新綜藝節目《細間始終你好》喺2月28號首播，祥師兄將帶觀眾走入大街小巷，探討香港特色小店情懷，了解店主背後嘅匠人精神。
祥師兄解釋節目名中個「細」唔係人世間個「世」，而係細細間嘅細，因為喺現今嘅香港，大連鎖店就見得多，其實喺不同區域依然座落咗好多情懷店舖，希望通過節目令觀眾理解更多盛載香港回憶故事。拍攝團隊選取嘅內容包括文化小店、小食店、夜冷店、訂造西裝及皮衣店等，呢啲小店看似普通，但同巿民有著息息相關嘅連繫。
首集祥師兄就去到中上環區，一個有「小法國」之稱嘅地段，拜訪一間小店老闆，兩人坐喺樓梯巷玩吓時代舊物，嘆吓茶，傾吓偈，感受街角情懷，而祥師兄對呢帶一啲都唔陌生，因為佢以前喺中環返學，呢一帶係佢放學後經常游走嘅地方，多年來見證中上環變遷，有高樓大廈，亦有早至1908年嘅建築，對呢個具中西文化交流衝擊嘅一個地方從不厭倦。
香港系列之《細間始終你好》 2月28日起 逢星期六 20:00 翡翠台
