吳鎮宇、錢嘉樂、湯盈盈、米雪、韓馬利、杜燕歌、謝寧、余慕蓮（余毛）、梅小青、劉家豪、資深傳媒人汪曼玲及粵劇班主彭美施等一眾圈中好友出席L&P春茗晚宴，筵開六桌，各方來賓歡聚一堂。
呢晚鎮宇贊助1萬元及施姐贊助5千元抽獎，與眾同樂，汪曼玲喺社交平台上載多張合照，分享跟好友開心相聚點滴，米雪同余毛當晚抽到1千元利是，眾人皆大歡喜，當鎮宇得知余毛中獎，即開心扶住余毛影合照。鎮宇雖然外表嚴肅，其實藏著一顆溫柔嘅心，多年嚟佢都好尊敬合作過嘅前輩，與不少圈中前輩關係友好。
鎮宇大開金口唱《笑看風雲》，佢更同嘉樂合唱《友情歲月》，二人曾參演經典電影《古惑仔》系列，鎮宇當年飾演終極大反派「𡃁坤」，嘉樂則演重情義嘅「大頭仔」，二人合唱聽到在場賓客拍爛手掌之餘，仲隨即掀起回憶殺！
