方力申開心宣布將於5月首踏紅館舉行個唱，其宣傳海報以金髮配螢光粉紅西裝、手持帽嘅造型登場，海報公開不足一日，眼利網民發現其海報與資深歌手尹光於2023年紅館宣傳海報極為相似，引發網民議論及「抄襲疑雲」，此事未有影響小方興奮心情，連日更獲家人陪佢慶祝46歲生日之外，佢今日仲分享咗一條AI影片，見佢游水去紅館添！
小方今年生日太近新年，約唔到好多朋友聚吓，主要都係同屋企人度過，佢同太太葉萱嘆日本菜，指太太已有年幾冇食過魚生，果然係「愛妻號」，佢仲話對上一次同老婆撐枱腳竟然係佢哋第一次約會嗰陣，可見佢哋都好享受呢個二人世界浪漫時光，而方力申弟弟方圓明有請家人一齊食飯嘆美酒，一家人開心聚首一堂。
小方嚟緊開始籌備首個紅館個唱嘅演出安排，佢好開心喺人生「最佳時間」分享呢個超級興奮嘅消息，小方坦言對於一位香港流行歌手嚟講，紅館絕對係夢想成真嘅地方，「在一年多裡，我的偶像們如劉德華、郭富城、張學友、黎明等四大天王都在這裡演出，而我也將在這個舞台上實現我的夢想」。
小方認為而家係人生「Perfect moment」嘅「最佳時間」，稱自己年輕嗰陣追求速度及成就，隨著年齡增長，小方開始尋找最適合自己嘅狀態，經過25年努力，終於有機會登上紅館舞台，渴望以歌手嘅身份展示自己，太太葉萱亦力撐小方，喺社交平台限時動態轉發小方宣傳海報並寫道：「我細個嗰陣聽《大細心》，聽住歌詞當時心諗：我大個一定嫁咁嘅人。結果！」小方比Maple年長14年，以該曲推出年份計算，葉萱喺14歲已好想嫁畀小方！