周智敏 同 布子殷 兩位《聲秀》唱將一齊現身錄音室，為新節目《細間始終你好》錄主題曲，首度合作就要翻唱張蔓莎嘅作品，佢哋直認有一定難度，Emily指首歌唔係要澎湃唱法，自己都要試咗幾次先掌握到點唱，佢話首次入錄音室錄歌，心情緊張到臉部繃緊。
布子事前無諗過有機會獻唱節目主題曲，佢話製作組好細心，事前畀佢哋睇咗節目片頭，令佢哋更容易投入首歌當中，唱出暖心同好輕嘅感覺。
為咗令觀眾聽到跟原唱有不一樣嘅感覺，Emily同布子花盡心思準備，聽晒原唱嘅唔同版本作品，再搵出可以轉變嘅位置，加上係兩人合唱，可以予人唔會覺得單調嘅感覺。
香港系列之《細間始終你好》 2月28日起 逢星期六 20:00 翡翠台