《中年好聲音4》進入一連三個星期嘅導師分組賽，三位導師Alan布志綸、銀老師高少華以及Calvin Sir張嘉銘，各帶領12位學員進行三個回合嘅比賽，而今個星期最令人期待嘅，一定係晉級36強嘅五位蒙面動物，將會除面具見真身，貓女郎同白羊君仲會喺呢個回合出戰。
myTV SUPER重溫《中年好聲音4》精彩內容
導師賽第一回合係獨唱賽，將以關淑怡、王傑同陶喆嘅金曲為主題，進行三場比賽，中聲4喊包許美琪再度成功搞喊肥媽同婉婉，佢解釋當獻唱歌曲時，突然有種被歌詞觸動內心感覺，因為諗起被淘汰嘅隊員。
雖然來到36強，各個都係能唱之人，但導師嘅幫助絕對加分唔少，唔止可以提升歌唱技巧，有時仲要充當心理輔導師，好似雷小雷同卓猷燕就獲導師悉心指導，增強自己嘅心理質素出戰。
《中年好聲音4》逢星期日 20:00 翡翠台