泰國武打巨星 Tony Jaa 月初被指因膽囊癌而需入院治療，令外界非常擔心佢嘅身體狀況，不過經過半個月之後，Tony Jaa就已現身騎於一匹騰起嘅駿馬之上，一踏入馬年就向大家送上祝福，亦似係向外界宣佈身體無恙。
而原來近月佢亦開設內地社交平台帳號，不時同大家分享生活，影片中更落力以中文講對白，雖然被指身患重病，不過訓練時踢沙包依然澎澎聲力量非常強勁。亦向大家拜年送上祝賀。
而星期六佢亦再更新社交平台，一身西裝同太太仲有其中一位囡囡，參與錄影泰國一個綜藝節目，仲預告節目今日下午就會播出。佢參與嘅第三台節目《3Zaap》，一向會邀請泰國頂流明星、演員同當紅名人進行深度專訪，相信Tony將分享佢嘅醫療情況。
