楊卓娜與「燈箱大王」楊志翹相愛18年，雖然二人至今未有正式註冊結婚，不過楊卓娜坦言兩人早已以夫妻相稱，近年積極喺網上直播帶貨，同時兼顧家庭，楊卓娜近日趁新年與家人飛馬爾代夫旅行，更分享此行解鎖新技能，克服恐懼，成功挑戰潛水，發現海底世界原來咁靚，仲話唔捨離開。
楊卓娜喺IG貼出影片稱呢次多謝靚仔教練同楊生鼓勵，初時佢非常害怕，不停尖叫更差啲要叫白車，「我不停叫『I Need To Go Back ！I Need To Go Back!』🤣講真，當時好似有大石砸住心口，好似有人諗住我條頸，我完全口鼻都呼吸唔到，我覺得我係咁大，我返唔到上岸，😭我唔想同沉船一齊！🤣同埋我冇魚鰓，我唔可以留喺水底！但係佢哋仍然冇理我，堅持要我繼續！🤣」 。
楊卓娜當喺水底成功見到第一條魚，終於慢慢冷靜，終於搵返自己嘅呼吸， 發現海底世界真係漂亮，「原本只打算喺呢度5分鐘，結果停留咗一小時，教練打手勢要離開，我卻戀戀不捨」。楊卓娜笑指楊生已幫佢set新一年目標，就係去考牌，目標係新一年加入海洋關注組，做多啲對海洋有益嘅事，保育美麗大自然。
