趙慧珊 嘅第三個個人畫展正式開幕，Aka嘅好友兼策展人嘅 李靄璣 連同老公 林奕匡 許靖韻 伍允龍 黃又南 都現身支持。Aka同Philip相識多年，仲曾經係Philip嘅學生，所以每次搞畫展都得到師父加持捧場。
Aka笑言，要投訴Philip呢位師父！因為Philip公開認愛同細13年嘅Renee李蔓瑩後，Aka到而家都未見過Renee，Philip解釋係因為Aka忙於畫展，之後再約時間帶女友同Aka見面。Aka仲承諾，Philip同Renee拉埋天窗嘅時候，會親自畫一幅畫賀下師父。
李靄璣同Aka友誼深厚，呢次亦係佢地第三次合作。Rikko見証Aka喺藝術路上越行越遠、畫嘅畫越畫越大，又試過同品牌做聯名合作，呢一切都令佢覺得好開心，更形容Aka同自己係互相推動。至於林奕匡就話，做藝術真係要用心多於講金，佢都好佩服Aka對畫作嘅投入，而自己就做唔到，比較擅長用音樂創作藝術。
Angela所屬唱片公司日前宣佈即將開家族演唱會嘅好消息，令Angela都好期待可以藉呢個機會同公司唔同歌手合作。不過最令Angela開心嘅係，啱啱加入公司嘅周國賢已經為自己寫緊新歌，佢都話要過一排追下進度。