曹越 同 孫慧雪 為稍後公演嘅舞台劇綵排，兩人會輪流演出鐵扇公主呢個角色，而越越就話今次同60個小朋友合作演出，喺佢哋身上重拾對演出嘅初心，因為小朋友好有熱誠又唔偷懶，阿雪都話見到大家團火，令自己都唔敢放鬆。
越越籌備出新歌同時，又要兼顧舞台劇排練，佢都好感恩自己有咁多工作機會，因為人到中年仍然有機會演出同出歌，要好好珍惜做好每項工作，唔好令自己後悔。佢又笑指不時向師姐阿雪請教，令阿雪相當無奈。
越越聽到阿雪話佢排練期間好有氣場，佢就解釋因為自己當刻忘記歌詞，又唔想被人發現，所以就裝出無事發生咁繼續淡定地演落去。
