上月26號係何超雲嘅 37歲生日，佢一如以往同三位好友一齊慶祝，不過呢晚就未見佢嘅男友Jony出鏡。
超雲喺28號晚，以「Happy 🎂🎁🎈🎉」為題，上載多張生日飯聚相到社交平台，三位好友為壽星女準備好鮮花、氣球等，又於牆上掛上Happy Birthday等字句慶祝。
呢晚著上牛仔吊條裙嘅超雲，大騷火辣身材，佢坐喺擺滿甜品同三個生日蛋糕嘅枱後，畀友人幫佢影相拍片。喺其中一條片入面，雙手托腮嘅超雲，盡展其深長嘅事業線！超雲先對鏡頭做出嘟嘴等動作，其後伸出一隻手指，狀似要將鏡頭向上撥，以作鏡頭切換。
