熱播劇《臥底嬌娃》嘅一眾演員呢日於商場宣傳， 幾位嬌娃臥底 張曦雯 陳瀅 羅毓儀 同 幕後嘅 馬貫東 仲有 鍾柔美 齊齊以一身運動型打扮出現，幾位美女仲即場鬥筋骨柔軟，連阿Mark 同 關曜儁 都大讚都要學埋一份呀。
話得係女團，Kelly、Jeannie同Yuki劇中就有唔少舞蹈戲份，仲要開口唱歌包辦主題曲，佢哋就話唔少迴響都指呢次風格同其他劇集非常唔同，更認為有經典動漫《美少女戰士》嘅味道咁話，而特別拍攝MV亦令佢哋覺得非常新鮮呀。
Yumi近來一直受感情新聞困擾，日前接受訪問就再掀起手鍊風波，呢日佢參與活動時，亦再就事件回應，再就引起討論致歉，仲話擔心越描越黑，所以未來唔會再回應私人事咁話。
《臥底嬌娃》逢星期一至五 20:30 翡翠台