3月2號係Windy詹天文嘅20歲生日，話咁快佢入行已經五年，仲踏入轉字頭嘅年紀，不過Windy就話自己依然保持少女心。講到生日願望，Windy就話希望自己可以練出馬甲線。
除咗同一班天文台慶祝開心之外，最令Windy驚喜嘅一定係 鍾澍佳 呢位重量級嘉賓親自到場送祝福。佳導話Windy喺劇集《新聞女王2》主題曲主唱嘅不二人選，仲話首歌喺台慶頒獎禮獲獎係大比數拋離對手，聽到佳導讚自己實至名歸，Windy當然好開心啦！
Windy雖然要兼顧事業學業非常忙碌，但佢就樂在其中，而且好快佢又會有新歌推出：「呢首新歌係一個要求好高嘅監製幫我做，亦對我嚟講係比較大嘅挑戰，因為係好難唱嘅一首歌。」
