張繼聰宣傳警匪動作片爆受傷唔敢講 子赴外地讀書不捨爆喊扮鼻敏感

張繼聰 同 陳家樂 仲有 陳國邦 等呢日為佢哋演出嘅一部警匪電影宣傳，片中有唔少槍戰同動作戲份，阿聰重提當時拍攝一個穿過玻璃場面，自己睇完武師示範後已經擔心，加上聽聞為遷就鏡頭要撤走地上防護軟墊就更擔心，幸好順利完成，不過就有啲啲皮外傷喇。

動作戲有傷口在所難免，不過近日佢囝囝 張瞻 到外地升學，阿聰就指眼淚難忍喇。早前佢同太太細囡一齊飛到澳洲陪囝囝入學，於機場分別時一家大細都非常感觸，可喜係囝囝即時一秒成長，而自己就「扮鼻敏感」問老婆攞紙巾抹眼淚，飛機上仲流淚，嚇親空姐呀。