中東戰火未止，美國總統 特朗普 指出攻擊可能維持4至5周，而伊朗方面則持續向鄰近國家發動空襲，令大批航班停飛、唔少旅客滯留當地，其中 陳浩民 同 蔣麗莎 夫婦亦正身處杜拜，Lisa就於社交平台發文，已於當地旅遊幾日嘅佢，指兩次收到空襲警報，無奈因機場關閉未能離開。
而Lisa之後亦再一次出Post，畫面似為官方發佈嘅避難警告，指示應就近於安全建築中躲避。佢亦同步於Post中貼出阿聯酋各地嘅中國使領館同外交部嘅緊急電話號碼，不過亦指出全部未能接通。
翻查紀錄，Lisa同浩民不時都會一同到世界各地旅遊或工作，社交平台中就可見佢曾多次到訪近年新興嘅中東旅遊熱點杜拜，亦曾留低唔少靚相回憶，不過點都估唔到呢次再訪連戰火都遇上，一定係對當地最深刻嘅回憶喇。
